Ég er jógakennari, nuddari, nándar- og kynlífsmarkþjálfi sem legg áherslu á að hjálpa fólki að tengjast sjálfu sér og finna jafnvægi í lífinu. Ég nálgast hvern einstakling með hlýju og forvitni og leitast við að skapa öruggt rými fyllt af róttæku samþykki, án fordóma. 

Ég legg mikla áherslu á að styðja fólk í því að kanna sem flesta þætti sjálfs síns. Í námi mínu sem nándar- og kynlífsmarkþjálfi lærði ég að stíga betur inn í hver ég er sem manneskja í heild, umfaðma og samþykkja alla mína ólíku parta. Þetta var mér dýrmæt reynsla sem mér finnst ég kölluð til að miðla áfram. Sómatísk (líkamsmiðuð) nálgun þessarar markþjálfunar hjálpar fólki að tengjast sjálfu sér á nýjan og dýpri hátt og tengja betur við eigin mörk og langanir. 

Heilsa og vellíðan hafa alltaf verið mér hjartfólgin og hugleikin. Ég hóf mína eigin vegferð á tímum erfiðleika og leitaði aðstoðar úr ólíkum áttum. Á leiðinni varð ég Reiki-meistari og lauk námi í sjamanískum orkulækningum. Einnig aflaði ég mér réttinda sem hráfæðiskokkur og stundaði nám og starfaði í ferðaþjónustu. Ferðalög um heiminn sem og samskipti við fólk úr ólíkum menningarheimum hafa mótað mig og dýpkað skilning minn á því hvað það þýðir að vera manneskja. Öll þessi reynsla hefur veitt mér dýpri skilning og víkkað sjóndeildarhringinn í starfi mínu sem jógakennari, nuddari og markþjálfi. Ég leiði reglulega kvennahringi, kakóathafnir og ýmsar samverustundir þar sem ég skapa rými fyrir tengingu og sjálfskoðun.  

Dagsdagleg nýt ég þess að verja tíma í náttúrunni, hreyfa mig, dansa, við matargerð, lestur og listsköpun. Þessar ástríður veita mér orku, innblástur og gleði sem ég miðla til þeirra sem leita til mín.  

Hvort sem þú kýst nudd, jóga, markþjálfun eða einhverskonar athöfn, er markmið mitt alltaf að styðja þig í að tengja við og hlusta á líkama þinn, finna þitt já og nei og efla sjálfsöryggi og þekkingu til að tjá þitt einstaka sjálf á frjálsan hátt.